WFWR Campaign

Who We Are
About WFWR Campaign

WFWR Campaign (Women Fight, Women Rise) არის ინიციატივა, რომელიც აღიარებს ქალების ისტორიულ ძლიერებასა და ლიდერობას და ებრძვის იმ არასამართლიან შეზღუდვებს, რომლებიც დღემდე არსებობს ჩვენს საზოგადოებაში. მრავალი საუკუნის განმავლობაში ქალები იყენებდნენ თავიანთ შესაძლებლობებს, ინოვაციასა და ლიდერობას, რათა შეეცვალათ სოციალური სტრუქტურები, შეექმნათ ახალი შესაძლებლობები და დაეცვათ საკუთარი უფლებები (“defend their rights”).

სამწუხაროდ, დღესაც საზოგადოების ნაწილი — განსაკუთრებით მამრობითი სქესის წარმომადგენლები — ხშირად უარყოფენ ან აკნინებენ ამ რეალობას. WFWR Campaign მიმართულია არა მხოლოდ ქალთა უფლებების დაცვისკენ, არამედ ქალების ხმის გაძლიერებისკენ, მათი ლიდერობის, საქმიანობისა და შესაძლებლობების ხილვადობისკენ.

WFWR Campaign-ის იდეა დაიბადა კითხვიდან: რატომ რჩება ქალების ისტორია ხშირად ჩრდილში?

კამპანიის დამფუძნებლები არიან ახალგაზრდა ადამიანები, რომლებიც დაინტერესებულნი არიან სოციალური სამართლიანობით, ადამიანის უფლებებით და ფემინისტური თეორიით (feminist theory). ჩვენი მიზანი არ იყო ახალი მოძრაობის გამოგონება, არამედ უკვე არსებული ბრძოლის გახსენება და სწორად გადმოცემა.

Our Mission & Values – ჩვენი მისია და ღირებულებები

ქალთა ისტორიის ხილვადობის დაბრუნება და გაძლიერება (visibility of women’s history)
ფემინიზმის რეალური არსის ახსნა — როგორც მოძრაობის, რომელიც საუკუნეების განმავლობაში ებრძოდა ჩაგვრას და სისტემურ უთანასწორობას (true meaning of feminism)
პატრიარქალური ნარატივების, სტერეოტიპებისა და დამკვიდრებული მითების გამოწვევა და დანგრევა (challenging patriarchal narratives & stereotypes)
ქალთა ხმის, გამოცდილებისა და ბრძოლის ლეგიტიმაცია თანამედროვე საზოგადოებაში (women’s voices & lived experiences)

WFWR Campaign ეფუძნება რწმენას, რომ ფემინიზმი არის ცოდნა, ისტორიული მეხსიერება და მოქმედება. ჩვენ გვჯერა, რომ ცვლილება იწყება ცოდნით (education), ცოდნა კი არის ძალა (knowledge is power).

Truth as Responsibility – სიმართლე როგორც პასუხისმგებლობა

WFWR Campaign-ში წარმოდგენილი ყველა ინფორმაცია ეფუძნება ისტორიულ წყაროებს, აკადემიურ კვლევებს და სანდო ფაქტებს (reliable sources & historical evidence).

ჩვენი კონტენტი შექმნილია პასუხისმგებლობით, რათა მკითხველმა მიიღოს ზუსტი, დამოწმებული და გააზრებული ინფორმაცია.

სიმართლე

ყველა ფაქტი და ისტორია უნდა იყოს ზუსტი და დამოწმებული.

პატივისცემა

ჩვენ პატივს ვცემთ ისტორიას, ადამიანებს და ქალთა გამოცდილებას.

საზოგადოებრივი გავლენა

ჩვენი კონტენტი მიზნად ისახავს საზოგადოებაში სწორი აზრის წარმოქმნას.

მიღწევები, რომლებიც ბრძოლით მოიპოვა ქალმა

თანამედროვე საზოგადოებაში ხშირად გვავიწყდება, რომ ის უფლებები, რომლებიც დღეს ელემენტარულად აღიქმება, ქალებს ბუნებრივად არ მიუღიათ. რომ არა პირველი ფემინისტური მოძრაობები (early feminist movements), ქალებს დღესაც არ ექნებოდათ განათლების მიღების უფლება (access to education), კანონიერად მუშაობის შესაძლებლობა (right to work), ან საკუთარი აზრის გამოხატვა არჩევნებში (voting rights / suffrage).

ისტორიულად ქალს არ ჰქონდა საკუთრების ქონის უფლება (property rights), დამოუკიდებელი გადაწყვეტილებების მიღება (legal autonomy), საკუთარი შემოსავლის კონტროლი ან პროფესიული განვითარების შესაძლებლობა. ბევრ ქვეყანაში ქალის იურიდიული სტატუსი სრულად იყო დამოკიდებული მამაზე ან მეუღლეზე (male guardianship).

პირველი ფემინისტები სწორედ ამ რეალობას დაუპირისპირდნენ. მათმა ბრძოლამ საფუძველი ჩაუყარა იმ უფლებებს, რომლებიც დღეს საზოგადოების ფუნქციონირების განუყოფელ ნაწილად ითვლება — მიუხედავად იმისა, რომ პატრიარქალური სტრუქტურები (patriarchal systems) ჯერ კიდევ ძლიერ გავლენას ახდენენ საზოგადოებრივ აზრზე და გადაწყვეტილებებზე.

რაოდენ გასაკვირიც [უნდა] იყოს!…
როდესაც ყოველდღიურ ცხოვრებაში მოძრაობ, ხვდები, რომ ბევრი რამ, რაც ნორმად არის მიჩნეული, სინამდვილეში ასე არც არის. რატომ არის მიღებული, რომ ახალი სიცოცხლის დაბადება ქალის პასუხისმგებლობაა, მაგრამ იმავე დროს ქალი საფრთხის ქვეშ აყენებს საკუთარ ჯანმრთელობას? რატომ აღიქვამენ ზოგიერთები ქალის კარიერას “სურვილს ფემინისტობისკენ”, მაშინ როცა რეალურად საქმე უფლებებსა და არსებობის უფლებას ეხება?

რატომ გვგონია, რომ კანონით დაცული შესაძლებლობები — განათლების მიღება, საკუთარი შემოსავლის კონტროლი, სამსახურში თანაბარი უფლებები — ბუნებრივია, როდესაც ისტორია გვიჩვენებს, რომ ქალებმა ეს უფლებები ბრძოლით მოიპოვეს? რატომ ჯერ კიდევ არსებობს სტერეოტიპები, რომლებიც გვახსენებს, რომ ქალების შესაძლებლობები და არჩევანი ხშირ შემთხვევაში სხვებმა უნდა განსაზღვრონ? რატომ გვჩვევია ისეთი ნორმების მიღება, რომლებიც დღემდე ცდილობენ ქალის დამოუკიდებლობის, აზრის გამოხატვისა და გადაწყვეტილების თავისუფლების შეზღუდვას?

და ბოლოს, უნდა ვკითხოთ საკუთარ თავს: რამდენი "ნორმა" უნდა დაიმსხვრეს, რამდენი სიჩუმე უნდა დაირღვეს, სანამ მივხვდებით, რომ ბრძოლა არასდროს დასრულებულა და თითოეული ქალი საკუთარი არსებობისთვის ყოველდღიურად იბრძვის?
ვისია პასუხისმგებლობა ამ რეალობაზე, თუ არა ჩვენი — საზოგადოების?!